லெஜண்ட் சரவணன் நடிக்கும் புதிய படத்தின் படப்பிடிப்பு தொடங்கியுள்ளது.
சரவணா ஸ்டோர் விளம்பரங்களில் நடித்த லெஜண்ட் சரவணன் தி லெஜண்ட் படத்தின் மூலம் ஹீரோவாக அறிமுகமானார்.
இந்தப் படம் வெளியாகி கலவையான விமர்சனங்களைப் பெற்றது. இதனைத்தொடர்ந்து, இவர் ஜெயிலர் திரைப்படத்தில் வரும் பாடலுக்கு குழந்தைகளுடன் இணைந்து நடனமாடியிருந்தார்.
இந்த நிலையில், கொடி, காக்கி சட்டை திரைப்படங்களை இயக்கிய துரை செந்தில்குமார் இயக்கும் புதிய படத்தில் லெஜண்ட் சரவணன் நடிக்கிறார்.
மீண்டும் இணையும் செல்வராகவன் – ஜிவி பிரகாஷ் கூட்டணி!
மேலும், இப்படத்தில் ஷியாம், ஆண்ட்ரியா, பாயல் ராஜ்புத் ஆகியோர் பிரதான வேடங்களில் நடிக்கிறார்கள். இப்படத்திற்கு எஸ். வெங்கடேஷ் ஒளிப்பதிவு செய்ய ஜிப்ரான் இசையமைக்கிறார்.
இப்படத்தின் படப்பிடிப்பு தூத்துக்குடிப் பகுதிகளில் தொடங்கியுள்ளது. இந்த புதிய திரைப்படம் அடுத்தாண்டு ஏப்ரல் மாதம் திரைக்கு வரவிருப்பதாகத் தகவல் வெளியாகியுள்ளது.