விண்வெளி வீராங்கனை சுனிதா வில்லியம்ஸ் இரண்டாவது முறையாக விண்வெளியில் தனது பிறந்தநாளை கொண்டாடவிருக்கிறார்.
அமெரிக்காவின் தனியாா் நிறுவனமான போயிங் உருவாக்கியுள்ள ஸ்டாா்லைனா் விண்கலத்தில் சுனிதா வில்லியம்ஸ், புட்ச் வில்மோர் ஆகியோர் கடந்த ஜூன் 5 ஆம் தேதி சர்வதேச விண்வெளி மையத்திற்குச் சென்றனர்.
ஜூன் 14 ஆம் தேதி அவர்கள் திரும்பவிருந்த நிலையில், ஸ்டார்லைனர் விண்கலனில் ஏற்பட்ட தொழில்நுட்பக் கோளாறு காரணமாக இருவரும் அங்கேயே இருக்கும் சூழல் ஏற்பட்டுள்ளது. அடுத்த ஆண்டு பிப்ரவரியில்தான் அவர்கள் பூமிக்குத் திரும்புவார்கள் என்று அறிவிக்கப்பட்டுள்ளது.
நடைப்பயணம் மேற்கொண்டது ஏன்? – ராகுல் காந்தி பதில்!
இந்நிலையில், சுனிதா வில்லியம்ஸ் செப்டம்பர் 19 ஆம் தேதி தன் 59 ஆவது பிறந்தநாளைக் கொண்டாடுகிறார். இது விண்வெளியில் அவர் கொண்டாடும் இரண்டாவது பிறந்தநாள் ஆகும்.
முன்னதாக கடந்த 2012 ஜூலை முதல் நவம்பர் வரை அவர் விண்வெளியில் இருந்தபோது தன்னுடைய பிறந்தநாளை முதல்முறையாக அங்கு கொண்டாடியது குறிப்பிடத்தக்கது.
ஜி.எஸ்.டி. வரம்புக்குள் பெட்ரோல், டீசல்: மத்திய அரசு பதிலளிக்க உத்தரவு!
சுனிதா வில்லியம்ஸ் 1965, செப்டம்பர் 19 ஆம் தேதி பிறந்தார். இந்திய வம்சாவளியைச் சேர்ந்தவர். முதல்முறையாக 2006-2007ல் விண்வெளிக்குச் சென்றார்.