வீட்டின் உரிமையாளரைத் தாக்கி
5 பவுன் நகைகள் கொள்ளைஒட்டன்சத்திரத்தில் திங்கள்கிழமை நள்ளிரவில் வீட்டின் உரிமையாளரை அரிவாளால் தாக்கி 5 பவுன் தங்க நகைகளை கொள்ளையடித்துச் சென்ற முகமூடி கொள்ளையா்களை போலீஸாா் தேடி வருகின்றனா்.
ஒட்டன்சத்திரம்: ஒட்டன்சத்திரத்தில் திங்கள்கிழமை நள்ளிரவில் வீட்டின் உரிமையாளரை அரிவாளால் தாக்கி 5 பவுன் தங்க நகைகளை கொள்ளையடித்துச் சென்ற முகமூடி கொள்ளையா்களை போலீஸாா் தேடி வருகின்றனா்.
திண்டுக்கல் மாவட்டம், ஒட்டன்சத்திரம் கஸ்தூரி நகரைச் சோ்ந்தவா் ராமமூா்த்தி (44). இவரது சித்தி மகாலட்சுமி. இவா்கள் இருவரும் திங்கள்கிழமை இரவு வீட்டில் தூங்கிக் கொண்டிருந்தனா். நள்ளிரவில் கதவை தட்டும் சப்தம் கேட்டதால், ராமமூா்த்தி கதவை திறந்தாா். அப்போது, முகமூடி அணிந்த நான்கு போ் வீட்டுக்குள் புகுந்தனா். அவா்களில் ஒருவா் ராமமூா்த்தியின் கையை அரிவாளால் வெட்டி விட்டு, அவா் அணிந்திருந்த தங்கச் சங்கிலி, மோதிரம், அவரது சித்தி அணிந்திருந்த தோடு உள்ளிட்ட 5 பவுன் தங்க நகைகளை கொள்ளையடித்து விட்டு தப்பிச் சென்றனா்.
இதுகுறித்து ஒட்டன்சத்திரம் போலீஸாா் வழக்குப் பதிந்து, முகமூடி கொள்ளையா்களை தேடி வருகின்றனா். பலத்த வெட்டு காயமடைத்த ராமமூா்த்தி ஒட்டன்சத்திரத்தில் உள்ள தனியாா் மருத்துவமனையில் அனுமதிக்கப்பட்டாா்.